Etxalarkoen artean berriz, lehenengo saria (50 euro) Jorge Arizaleta (Urtsua baserrikoak) eraman zuena eta bigarrena (30 euro) Aldalurkobordako Kontxi Antxorenak.
Honez gain, joan den urtean bezala, Goxo topaketa egin zen. Guztira zazpi sagar-tarta aurkeztu ziren eta guzien artean lote bat zozketatu zen. Hau Amaia Razkineri suertatu zitzaion.
Eguraldi ederra lagun, jende aunitz ibili zen herrian eta eguneko bertze ekitaldiak ere hagitz arrakastatsuak izan ziren. Hainbat eskulangileren lanak ikusgai eta erosgai izan ziren pkazan eta txakur trebezien erakustaldia ere ikusgarria izan zen, Etolcanin agility taldearen eskutik. Eguerdi partean herriko trikitilariek bere saioa eskaini zuten eta herri bazkariaren ondotik, arratsaldean dantza saioa eskaini zuen herriko taldeak. Goizez baserriko lan tresnen erakusketa egin zen Iriondoan eta egun osoan, eskulan ikastaroko lanen erakusketa eskola zaharretan.
