Maiatzaren 14an, ortzeguna, 11:45ean Bideoz Blai eskainiko dute Toki Ona Institutuko 2. DBHko eta Batxilergoko 1. mailako ikasleek. Sarrera euro bat ordaindu beharko da.
Maiatzaren 15ean, ortzirala, 11:00etan Aupa Etxebeste antzezlana eskainiko dute Lasarte-Oriako Kukuka antzerki eta dantza eskolakoek. Ondotik, Dantzaz Blai dantza ikuskizuna eginen dute eskola berekoek. Eta 13:00etan antzerki eta dantza ikuskizun berdina eskainiko dute.
Maiatzaren 21ean, ortzeguna, 10:00etan Liburu magikoaren istorioa ikuskizuna eskainiko dute Ricardo Barojako bigarren mailakoek eta 12:00etan Behin batean, Bera herrian... antzezlana eginen dute Labiaga Ikastolako Haur Hezkuntzakoek. Bi saioetarako euro bana ordaindu beharko da. Egun berean, 18:00etan, ikuskizun bera eskainiko dute Ricardo Barojakoek eta denentzako irekia izanen da, bi euroko sarrera ordainduta.
Maiatzaren 22an, ortzirala, 10:00etan Jesusen Bihotza ikastetxeko 5. eta 6. mailakoek Beldurra antzezlana eskainiko dute eta 12:00etan Labiaga Ikastolako 5. mailakoek Trena galdu eta zenbat gauza antzezlana. Bi antzerki hauek arratsaldean ere eskainiko dituzte, 18:00etan hasita, denentzako irekiak, bi euro ordainduta.
Aipatu, maiatzaren 21ean eta 22an arratsaldez eskainiko diren antzezlanak ikusteko sarrerak 17:00etatik aitzinera salduko dituztela Kultur Etxean, edukiera bete arte.