Arkupeak elkartearekin batera lanean aritzen den Harremana jubilotekak egoitza ireki du berriki Elizondon, Baztango Balleko Etxeak utzitako lokalean. Bertan «egonaldi goxoak» egiteko aukera izanen dute orain Arkupeak elkarteak Baztanen dituen bazkideek. Urtarrilaren 13an hasita astero elkartuko dira, asteartetan eta ortzegunetan, 16:00etatik 18:30era.
Egonaldietan jarduera ugari izanen dituzte, bertzeak bertze, zaulitasuna, indarra, erreflexuak eta memoria lantzeko ariketak, eskulanak (makramea, bainika eta gantxiloa), kantatzeko eta dantzatzeko ikastaroak eta mahai jokoetan aritzeko aukera. Gainera, hilabetean behin lokalean bertan merienda prestatuko dute.
Interesa duten bazkideek izena emateko epea irekia dute, hurrengo telefono zenbakietan: 653 85 21 43 (Belen), 600 32 80 58 (Mari) edo 662 44 96 46 (Axun).