Gaur egun, ordu aunitz pasatzen ditu tailerrean, baina, ttikitan ere hor igarotako momentu goxoetara bidaiatu du oroitzapenekin: «Ordu aunitz pasatzen genituen haurrak ginelarik gurasoen ondoan tailerrean. Oroitzen naiz ortziraletan, adibidez, tailerra garbitzen genuela eta ondotik, amak bokatak prestatzen zituela afaltzeko. Etxekook momentu onak pasatu ditugu hor».
Bertzalde, zerbitzu mekanikoak eskaintzeaz gain, jardinerako mantentze lanetarako tresnak saltzen dituzte: motozerrak, korta belarra mozteko makinak... Azkenik, bateriazko mekanikara bideratzen ari denez dena azken urtetan, horren aitzinean beraiek ere etengabe «ikasten eta garatzen» ari direla azaldu du Larregik.