Erratzun ere gazte kuadrilla ederra aritu zen etxeetan eskean auzotik auzorat, igandean hasi eta astearte eguerdiraino. Arratsaldean, berriz, desfilearen txanda izan zen, eta Jokin Bengoetxearen gidaritzapean, 22 dama atera ziren zanbonbak jotzen, lurra ernatzeko eta udaberriari ongietorria egiteko. Haiekin batera mota guzietako mozorroak ikusteko aukera izan zen, eta umore ederrean akitu zuten ospakizuna.
Horrekin, baztandarrek heldu den urtera arte agurtu dituzte inauteak.