Etxez etxe eta auzoz auzo eskean aritu ondotik, atzo akitu zituzten inauteak arizkundarrek. Goizean, gosaldu ondotik, mozorroak desfilean atera ziren. Haritz Bidegain, Olatz Iriarte, Lorea Rekarte eta Elene Zapata izan ziren sagardantzariak, Aimar Fernandez botilleroak lagunduak, eta Baztango Xulubitarien doinuekin dantzatu zuten sagar dantza. Horien gibeletik, bat eskas izanen zelakoan, bi hartz atera ziren, Nikolas eta Nikolasa, bakoitza bere zaintzailearekin. Jendetza hurbildu zen desfilea ikustera.