Ilbeltzaren 20tik 26ra izanen da aurten (H)ilbeltza Euskal Nobela Beltzaren Astea eta egitarau oparoa prestatu dute Baztango hainbat herritan.
20, astelehena: Arizkungo medikuaren etxean, 19:30ean. Euskal Herrian literatura beltza sustatzeko VII. (H)ilbeltza bekaren irabazleak, Joxan Oiz Arrutik, bere Amazurtza liburu aurkeztuko du. Bigarren karlistadan oinarritua, Donostian… informazio gehiago nahi duenak astelehenean Arizkunerat joan beharko du.
22, asteazkena: Anizko elkartean, 19:00etan. Bärlach komisarioaren abenturak eta desbenturak solasaldia Idoia Santamariarekin. Friedrich Dürrenmatten Epailea eta haren borreroa nobelaren pertsonaia nagusia Bärlach komisarioa da, eta hori oinarri hartuta horren kontuko solasaldia onduko du Idoiak.
24, ortziralea: Iruritako Gizarte Bilgunean, 19:00etan. Tortura pairatu duten 30 sakandarren lekukotzak ageri diren dokumentala. Inork, inoiz, inon tortura pairatu ez dezan egin behar den bidea erakutsiko dute.
25, larunbata: Elizondoko Arizkunenea kultur etxean 11:00etan. Mahai-ingurua: Nola sortu kriminal bat (nahi gabe), Edurne Elizondo eta Mikel Elorzarekin eta Isabel Jaurenak gidatua. Kriminalak sortu edo eraiki egiten dira? Nork eraikitzen du kriminal bat? Aroztegiko kanpaldikoak kriminalak dira? Edo politika da kriminala? Galdera parrasta egin eta erantzun andana biltzeko elkartuko gara mahai bueltan.
14:00etan Bazkaria Erratzuko Elkartean. Txartel guti gelditzen dira, norbaitek nahi izanez gero, ilbeltzabaztanen@gmail.com helbiderat eskribitu. 17:00etan liburu aurkezpenak: Izaskun Graciaren Basokoa eta Iñaki Petxarromanen Lehendakariaren alaba.
18:30ean Susmagarrien Gaua, Ilargipeko Enigmak josteta Erratzun barna. Erratzuko ostatuetan barna izanen da josteta. Lau ostatu, lau talde, lau enigma asmatu beharko dituzte jostetan arituko direnek.
26, igandea: Azpilkuetan, 11:00etan. Itzuli Beltza, Xartolako Axeri. Azpilkuetan dagoen errotetako batean eginen dugu hitzordua eta (H)ilbeltzakide batek bertan gertatutako istorio bat kontatuko digu.
Elizondoko Arizkunenea kultur etxean 19:00etan. Odola kantari: Euskal kantugintzaren tragepedia hitzaldi musikatua, Unai Elorriagak eta Josu Aurrekoetxeak eskainia.
