Belateko tunela bikoizteko lanak direla eta, asteazken honetan, irailak 25, errepide zaharra itxiko dutela iragarri du Nafarroako Gobernuak. Zehazki, 15:30ean N-121-A errepide zaharra Arraizko benten aldetik Ultzamako bentetara bitarte itxiko dute eta, ordu erdi baten buruan, 16:00 aldera, irekiko dutela aurreikusi dute.
Oroitarazi behar da, zati horretan N-121-A errepidea ere itxia dagoela. Abuztuaren 19an itxi zituzten Almandozko eta Belateko tunelak bi noranzkoetan eta urriaren 31ra bitarte hala izanen direla jakinarazia du gobernuak. Asteazken honetan, berriz, bide zaharra, NA-1210 errepidea, itxiko dute, N-121-An errepide zaharra hasten den tokitik Ultzamako bentetara bitarte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.