Aurreikusi dutenez, abuztuaren 19tik urriaren 31ra arte bi noranzkoetan egonen dira itxiak tunelak. Bi hilabete eta erdi horietan NA-1210 errepidetik, hau da, Belateko gainetik desbideratuko dute trafikoa. Gainera, ibilgailu astunak A-15 eta AP-15 errepideetatik joatea gomendatu dute.
Tunelaren hegoaldean egiten ari diren lanen ondorioz itxiko dute bidea. Zehazki, ezponda egiteko indusketa lanek errepidean sor ditzaketen arriskuak saihestu nahi dituztela adierazi du Oskar Txibite Lurralde Kohesioko kontseilariak, gaur goizean Elizondon eskualdeko alkateekin egindako bileran.
