76 merkatari, zerbitzu eta ostatuk osatzen dute gaur egun Bertan Baztan elkartea, eta Juan Angel Perotxena da lehendakari berria. Azaldu duenez, «dendak baino gehiago gara; zerbitzuak ematen dituzten komertzioak ditugu, Baztango zaporeak sartu berri da eta Apopilo alojamenduen elkartea ere barne hartzen dugu».
Izan ere, «Bertanen denak ordezkatu nahi ditugu, eta junta osatzean ere hori islatu nahi izan dugu. Ez dira berdinak denda baten eta ostatu baten errealitateak, eta denonak kontuan izan behar ditugu».
Horrez gain, «azken 20 urteetan egindako lana garrantzitsua izan bada ere, pauso bat gehiago eman nahi dugu kontsumo eredu jasangarriak, bertakoak eta euskaldunak sustatzeko; kanpaina, proiektu eta ideia dezente ditugu buruan».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.