Duela 47 urte sortu zen Aroz Berri, 1977. urteko apirilean. Gaur egun 18 lagunek egiten dute lan Iruritako eta Orikaingo tailerretan, eta nekazaritza eta basogintzako makineria eta tresneriaren eskaintza zabala dute. Baina salmentaz gain, konponketaz ere arduratzen dira, «bezeroari zerbitzu ona emateko eta saltzen duguna zaintzeko».
Izan ere, Jexux eta Ion Urrutia aita-semeak azaldu dutenez, «bezeroek profesionaltasuna eta seriotasuna begiratzen dute geroz eta gehiago, salmenta, konponketa eta ordezko piezen zerbitzu ona eta azkarra bilatuz».
Horretarako, «marka hoberenak saltzen ditugu eta, lan orduetan, bezeroek beti aurkituko gaituzte beraien zerbitzura. Lanpostu bakoitzean guttienez bi pertsona egoten gara bezeroari zerbitzu ona eta azkarra eman ahal izateko».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.