N-121-A

Bihar asteazkena Belateko tunela bikoizteko lanak direla eta, zirkulazioa moztuko dute bi noranzkoetan

Ttipi-Ttapa 2024ko eka. 4a, 19:30
Deskargatu Info Ahotsak :
es en fr

Bihar asteazkena, Almandozko eta Belateko tunelak itxita egonen dira Iruñera joateko 08:00etatik 18:00etara. Trafikoa errepide zaharretik desbideratuko dute denbora tarte horretan.

Belateko tunelaren iparraldeko aho berria

 

Obren egoera
Lurralde Kohesiorako Departamentuak obren egoerari buruz eman duen informazioaren arabera, egun hauetan tunelaren iparraldeko ahoan drainatze obra bat egiten ari dira, dagoen erreka estaliz eta inguru horreta zabalgune bat prestatuz.

Hegoaldeko ahoan lur erauzketa lanak egiten segitzen dute. Telefoniako eta argindarren kableak eta posteak lekuz aldatzen ari dira, eta lurrak botatzeko erabiliko dituzten zabortegietara ailegatzeko bideak irekitzen ere.
 

Belateko tunelaren hegoaldeko ahoa

Gizartea Baztan Almandoz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun