Esperientzia «arras aberasgarria izaten ari da. Entrenatzailea izatea baliagarria izan zait gauza aunitz ikasteko eta eskubaloia bertze modu batean ikusteko. Jokalariek eta entrenatzaileek modu desberdinetan ikusten dute jokoa, eta ttikiei erakusteaz gain, haiekin aunitz ikasten dut nik ere. Posible izanez gero urte bat gehiago segitu nahiko nuke entrenatzen eta ikasten».
Horrez gain, eskubaloiarekin «taldean jokatzen ikasi dut, eta ezagutu ditudan lagunak nabarmenduko nituzke. Herri eta adin aunitzetako pertsonak ezagutu ditut eta momentu batzuetan, adibidez eskolatik institutura pasatzean, lagungarria izan zait».
