11 urterekin hasi zen Totu Iturzaeta BKTn eskubaloian, eta 17 urteak arte aritu zen taldean. Jubenilen azken urtean, berriz, Oberenara joan zen ohorezko mailan jokatzera eta hiru urtez aritu zen bertan. Ikasketak tarteko, jokatzeari utzi behar izan zion 23 urterekin Baztanerat bueltatu zen arte, eta 30 urterekin utzi zuen BKT. Beraz, «16 urtez aritu nintzen eskubaloian».
«Izugarrizko esperientzia» izan zen; «eskubaloiari esker lagun pila bat egin ditut eta aunitz gozatu dut jokatzen. Baztanekin ohorezko mailara igotzeko igoera fase bat jokatzea zirraragarria izan zen!».
Adierazi duenez, «esfortzuak beti badu saria, eta talde kirola denez, arras polita da lagunekin konpartitzea. Eskerrak eman nahi dizkiet urte horiek guziak posible egin zutenei. Izan zirelako gara eta izanen gara!».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
