Bi hilabete daramatzate greban Lekarozko Lozy's Pharmaceuticals enpresako langileek, hitzarmen propioa lortzeko helburuarekin. Geroztik, ELAk hiru salaketa paratu ditu, enpresak langileen greba eskubidea urratzen duela adieraziz. Aste honetan Lan Ikuskaritzak bi ebatzi ditu, eta arrazoia eman dio sindikatuari; greban dauden pertsonak legez kanpo ordezkatzen ari dira. Hirugarren salaketa ebazteke dago oraindik.
Horrez gain, «enpresak negoziazioaren edozein aurrerapen blokeatzen duela» salatu dute, eta «enpresaren itxierarekin» mehatxatu duela. Hala ere, Nafarroako Gobernuak argi adierazi du gezurra dela enpresa gobernuarekin lanean ari denik bertze toki batera mugitzeko.
Hori dela eta, ELAk «negoziazioaren alde egiteko» eskatu dio enpresaren zuzendaritzari; «xantaia bertan behera uzteko eta langileekin adosteko gaitasuna erakusteko».
