Doinuelek, euskara hutsezko plazen sareak, prentsaurrekoa eman du gaur 2024ko azoka guztien berri emateko. Ipuin forma eman diote Donostiako Koldo Mitxelena Kulturgunean egindako aurkezpen testuari. Euskal Herriko guztien artean egiten lehena Baztango (H)ibeltza izanen da eta Ikusi Mikusi urrian eginen dute Saran.
Egutegia
Honela, (H)ilbeltza urtarrilaren 22tik 28ra eginen dute Baztanen, nobela beltzari buruzko ekitaldiekin.
Geure Gelatik apirilaren 12tik 14ra eginen dute Azkoitian, emakumeek idatzitako liburuen azoka eta ekitaldiekin.
Literaturia maiatzaren 24tik 26ra eginen dute Zarautzen, literatura azoka eta ekitaldiekin.
Ziburuko azoka ekainaren 1ean eta Hernaniko azoka urriaren 5ean eginen dituzte. Liburu eta disko azoka eta ekitaldiak izanen dituzte.
Ikusi Mikusi urriaren 11n eta 12an eginen dute Saran. Haur eta gazte literatura eta ekitaldiak izanen dira.
Sormene literatura azoka urriaren 30ean eginen dute Galdakaon eta urteko egitaraua borobiltzeko, abenduaren 13tik 15era Lazkaoko azoka eginen dute.
