Santiago egun handian, berriz, euriagatik Baztango Dantzariek arratsaldean egin beharreko emanaldia bertan behera gelditu zen. Halere, mezan kontrapas dantzatu zuten Kattalin Arraztoak, Fernando Arraztoak, Itsaso Barriolak, Nora Gallegok, Nahia Gallegok, Irune Iturraldek eta Iraitz Mendiburuk. Abesbatzak Eslavaren meza eta Santiagoren himnoa kantatu zuten, Elizondoko Recreo musika bandak eta Imanol Elizasuk organoa jotzen zuten bitartean. Ondotik, hogeita hamar bat lagunek Mutildantzak dantzatu zituzten Foruen Plazan, Fernando Anbustegi alkatea tartean zela. Arratsaldean kirolak bere tartea izan zuen. Herriz herri txapelketako jardunaldia jokatu zuten Iriarte pilotalekuan eta Baztan pilotalekuan profesionalen arteko pilota partidak jokatu zituzten. Partida nagusian, Larrazabalek eta Zabaletak garaipena lortu zuten Elordi eta Albisuren kontra.
Hondarreko hiru egunak
Hasierako bi egun handi horien ondotik, oraindik hainbat ospakizun izanen dituzte hiru egunotan Elizondon.