«Uztaila eta abuztuan igeriketa kurtsoak ditugu, eta guttieneko taldeak ateratzen badira, lehorreko ikastaroak ere eginen ditugu». Izan ere, «udan jendeak bertze martxa bat dauka eta ez dira hainbertze talde ateratzen». Eta noski, igerilekuari estalkia kenduko diote: «eguraldi onarekin jende aunitz etortzen da, eta beti igerilariendako kale bat libre uzten dugu. Gimnasioa ere egun guzian irekia egonen da».
Aurtengo berrikuntza «haurrendako kirol-jolasen ikastaroa» da; «goizetan izanen da, uztaileko eta abuztuko lehenbiziko asteetan, 6-11 urte bitarteko haurrendako. Kirol eta jolasak eginen dituzte zenbait lekutan: futbol zelaian, pilotalekuan, igerilekuan, salan…».