Baztango Euskaraldiko Batzordeak tailerrak antolatu ditu Elizondon azaroan, Euskaraldiaren atarian, «ariketa sozial kolektiboa girotzeko asmoz, eta herritarrak aktibatzeko eta parte hartzeko helburuarekin».
Bihar hasiko da lehenbizikoa eta Paskual Rekalde Euskaltzain amaiurtarrak gidatuko du, azaroaren 9an, 23an eta 30ean, 18:00etatik 20:00etara Arizkunenean. Lanketako lehenbiziko saioan testuingurua paratuko dute (Baztango mintzoa, euskara batua, euskalkiak…), eta bigarren eta hirugarren saioak praktikoak eta irekiak izanen dira, jendearen zalantzak argitzeko tartearekin.
Interesa dutenek euskara@baztan.eus helbidera idatzi beharko dute tailerretan izena emateko.
