N-121-A

Belateko tunelaren barnean su hartutako auto batek bi ordu eta erdiz moztu zuen trafikoa

Ttipi-Ttapa 2022ko ira. 6a, 06:30
Deskargatu Info Ahotsak :
es en fr

Belateko tunelaren barnean auto batek su hartu zuen atzo, baina ez zen inor zauritu. Suaren ondorioz, errepidea itxi zuten bi noranzkoetan eta trafikoa Belateko gainetik bideratu zuten. SOS Nafarroa zerbitzuari arratsaldeko bortzak aldera eman zioten abisua, Renault Megane bat erretzen ari zela Almandoz aldeko ahotik 1,3 kilometrora, ia tunelaren erdian (2.900 metro ditu).

 

Autoan zihoazenak arazorik gabe atera ziren tuneletik. Cordovillako eta Oronozko parkeetako suhiltzaileak bertaratu ziren sua itzaltzera, eta Nafarroako Gobernuko Herri Lanetako langileak arduratzen ziren garbiketa-lanez. Bi ordu eta erdi geroago, zirkulazioa berrezarri zuten.
 
Gertaerak Baztan Almandoz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun