Oinez edo bizikletaz egiteko bi ibilbide
Iruritako Herriak bultzatuta eta Baztango Udalaren laguntzarekin prestatu duten ekimen honekin, baliabide turistikoak hornitu eta aberasteaz gain, Iruritako eta inguruko historia, natura, paisaia eta ogibideak erakutsi nahi dira.
Horretarako bi ibilbide prestatu dituzte, zortzi panel ikusgarrirekin (ilustrazio ederrak, azalpenak hiru hizkuntzetan eta bertze hainbat informazio interesgarrirekin) eta bide-seinaleekin ibilbidearen puntu batetik bertzera gidatzen dutenak. Pello Iriartek, Iruritako alkateak, kontatu digunez, «zirkularra den ibilbidean barrena buelta osoa egiteko ordu eta erdi edo bi ordu beharko dira». Zirkularra den ibilbideak (3,3 km) herria bera eta bertan dauden plazak, dorrea, jauregiak, ferrategia, kisulabeak errota eta bordak ezagutzeko aukera ematen du. Bigarren ibilbideak (1,3 km), lineala, joan-etorria bide beretik egitea proposatzen du, eta Ibur errekaren bazterrean dauden errotak ezagutzeko aukera ematen du. «Ibilbide hau etorkizunean eginen den bide berdearekin lotzeko aukera emanen du» azaldu digu Iriarte alkateak.
