Erdizko harrobiaren proiektuaz

Magnak duen meatze proiektuaren kontra protesta egin dute Gartzaingo Baztan Hotelaren aitzinean

30 lagun inguru elkartu ziren asteartean Baztan Hotelaren aitzinean MAGNAri erraiteko ez dutela ┬źkomunalen ebaskorik eta proiektuaren inposiziorik onartuko┬╗

Nafarroako Gobernuak UGEParen tramitazioari oniritzia emateko, nahitaezko baldintzetako bat da Magnak herritarrendako informazio eta partaidetza prozesu bat abiatzea. Bada, atzo asteartea hasi zuen Magnesitas Navarras enpresak jardunaldi ziklo hori Gartzaingo Baztan Hotelean, eta Erdiz Bizirik plataformako kideek gertaera hori baliatu zuten MAGNAri erraiteko ez dutela «komunalen ebaskorik eta proiektuaren inposiziorik onartuko».

Izan ere, «herritarren informazio eta partaidetza prozesua» deituriko honetara jo du Magnak meatze proiektuarendako gobernuaren baimena albait arinen erdiesteko, behar diren tramitazioen denbora nabarmen laburtzen duelako.
 

«Ez dugu komunalen ebaskorik eta proiektuaren inposiziorik onartuko»

Erdiz Bizirik Plataformak prentsara igorritako oharrean erraten duenez, «asteartean jakin genuen herritarren parte hartzea bermatzeko eta justifikatzeko bilera publikoak egin behar dituztela Baztanen, Esteribarren eta Erroibarren. Horietako lehenbizikoa Baztanen, Gartzaingo Hotel Baztanen izanen zela jakin genuenean, 30 lagun inguru elkartu ginen hotelaren aitzinean, Magnari oroitarazteko ez dugula gure komunalen ebaskorik eta proiektuaren inposiziorik onartuko.
 

«Pertsona bakarra hurbildu zen solasaldira»

Oharrean zehazten dutenez, «aipagarria da solasaldira pertsona bakarra hurbildu» zela eta horregatik, hain zuen, «erakunde publikoei eta herritarrei Magnaren antzerki honetan ez parte hartzeko dei egiten diegu, eta eginen ditugun mobilizazioetara batzera».

 

Magnesitas Navarras enpresak Erdizen egin nahi duen meategi eremuaren aireko ikuspegia. Argazkia: Magnesitas Navarras.

Erlazionatuak

Erdizko proiektua UGEP gisa tramitatu nahi dutela gaitzetsi du Baztango Batzar Nagusiak

Baztan

Joan den ortziraleko Batzar Nagusian UGEParen kontrako mozioa onartu zuten

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun