Valle de Odieta enpresak iraingarritzat eta kalumniatzat jo du 2021eko irailean hamalau eragilek Nafarroako Parlamentuan lehenbizi eta ondotik prentsaurreko bidez aurkeztu zuen informazioa, eta hori horrela, «irainak eta kalumniak» leporatuta adiskidetze-ekitaldira deitu zituen 14 elkartetako ordezkariak. Tartean izan zen, Lorea Flores Compains lesakarra, abeltzaintza industrialaren aurkako Nafarroako plataformako bozeramailea eta Greenpeaceko Nafarroako koordinatzailea.
Bi aldeek ez zuten akordiorik lortu
Greenpeacek «informazioa neurri handi batean, dokumentu ofizialek edo datu ofizialen bidez egindako txostenek osatzen zutela» adierazi zuen, eta «ez da egokia egiazko informazioetan egindako deklarazioetan gibelera egitea». Enpresak, bere aldetik, zehapen judizialekin segitzeko asmoa duela jakinarazi du Greenpeacek.
