Hamaika egunez kanpalekuan egon ondotik, aroztek herenegun iragarri zuten kanpalekua utziko zutela, Aroztegiko obrarekin hasi zen Tex enpresak alde egin duela ikusita. Gisa berean «indarrak maiatzaren 15ean Elizondoko plazatik abiatuko den manifestazioan» jarri nahi dituztela argitu zuten. Bada manifestazio horri begira herriz herri taldeko argazkiak atera nahi dituzte eta gaur, apirilaren 30ean, Erratzun eginen dute.
Landa eremua defendatu! Aroztegia gelditu! lelopean maiatzaren 15ean manifestazioa deitu dute Elizondon. Plazatik abiatuko da 17:30ean. Manifestazio horren alde herriz herri taldeko argazkiak atera nahi ditu eta gaur, ortziralea, Erratzun egin dute hitzordua. 20:00etan plazan atera nahi dute eta euria eginez gero frontoian.