Bertso musikatuekin hasiko dute jardunaldia 18:00etan plazan. Ondoren, Porrotx pailazoa egonen da bertan, Iosu Txapartegi "Txapas" akordeoilariarekin batera. Irriz eta kantuz beteko dute herriko plaza eta gereziondo bat landatuko dute inguruan. Akitzeko, Olaia Inziarte abeslari oronoztarrarekin kantaldia izanen da leku berean.
Aroztegiaren proiektuaren aurka «herrian berean aldarriek lekua izateko» helburuarekin antolatu dute Lekarozko gazteek jardunaldia. 'Lekarozek bizi behar du' lelopean haur, gazte eta helduak parte hartzera gonbidatu dituzte.
