Lekarozko Aroztegia proiektuaz

Jendetza elkartu da larunbat arratsaldean Lekarozko plazan Aroztegiko proiektua salatzeko

Aroztegiko eremuetan egin nahi dituzten 228 etxebizitza, hotel bat eta golf zelaia eraikitzeko proiektua gelditzea eskatzeko jendetza elkartu da gaur arratsaldean Lekarozko plazan. Kanpaldia ez da proiektua bertan behera uzteko helburuarekin egitekoa duten mobilizazio bakarra. Maiatzaren 15ean, 17:30ean, manifestazioa eginen dute Elizondoko plazatik abiatuta.

Aroztak mugimenduak salatu duenez, Aroztegikoa «indarrez inposatutako» proiektu bat da. «Urteak daramazkigu herri gisa proiektu honen kontra gaudela adierazten, eta ez gaituzte entzun nahi». Gainera, udalerriz gaindiko eragina duen plan gisa bideratu dutenez (UGPS), Baztango Udalari eskumenak kendu dizkiotela salatu dute, «Baztango lur komunalak enpresa pribatu bati ematea ahalbidetuz». Horiek horrela, Nafarroako Gobernuari herritarren hitza errespetatzeko eskatu diote. «Gobernuak bere eginkizuna betetzen ez duenez, gure esku dagoen guztia eginen dugu proiektu hau gelditzeko».

 

Erlazionatuak

BIDEOA: Elkarretaratzearen akaberan Txoria txori kantatzen

Baztan Lekaroz

Elkarretaratzearen akaberan momentu hunkigarria bizitu da jende guztia pankartara hurbildu eta Txoria txori kantatu denean.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun