Osasun egoera aitzakiatzat hartuz, «ikasleak baztertu dituztela» iruditzen zaio Iturralderi: «ez zait batere bidezkoa iruditzen, gure esku ez dagoen erabaki baten aitzinean ikasketa prozesua aitzinera eramateko baliabideak eman beharko lizkigukete».
Ez da hori pandemiaren aitzinean ikasleek izan duten «bidegabekeria» bakarra: «koronabirusak orain arte nahiko indibidualista zen hezkuntza indibidualistagoa bihurtu du, ikasleria bizitzen ari garen egoera kontuan hartzen ez duten irakasleak daude eta guztiok eraginkortasun berarekin lan egitea nahi dute...».
Ikasleen egoera kontuan hartu gabe jokatu dutela salatu zu Zozaiako gazteak eta, horregatik, «ikasleen eskubideen aldeko» borrokarekin bat egitea erabaki du: «denoi eragiten digun hezkuntza sistema zapaltzaile bat dugu eta argi dut denak elkartuz indartsuagoak izanen garela».
