Mugikortasun eredua aldatzeko helburuz, hilabetero, Izterpeko Matxinada egiten dute Baztanen ekainaz geroztik. Abuztuko hitzordua izanen da asteazken honetan eginen dutena.
Ohar berean, antolatzaileek «eskualdea Iruñearekin eta Donostiarekin lotzen duen autobus zerbitzuan izan diren murrizketak» salatu dituzte. «Asteburuan, adibidez, Iruñera edo Donostiarat autobusean joateko aukerarik ez dago. Hortaz, garraio publiko kolektiboan izaten ari diren mozketak ere salatu nahi ditugu. Mugikortasun eredu iraunkor batek garraio publiko kolektiboa eta bizikletak behar ditu», adierazi dute.
