Hiru hilabete hauetan ez dira geldirik egon eta artea karrikara atera dute. Xabier Santxotenak bere obraren berri eman die familiei, «kultura ere itxialdian ez egoteko», eta egunero zuzenean bere arte-lanei buruzko azalpenak eman ditu. Neska-mutikoek beraien eskulturak egiteko bozetoak ere landu dituzte.
Martxoaren 7tik itxita zegoen Bozateko Santxotena parke-museoa ekainaren 6an irekiko dute berriz ere. Xabier Santxotenak berak eta Teresa Lafraguak Artziniegan (Araba) kudeatzen duten Santxotena tailer-museoa ere larunbatean irekiko dute. Irekiera hauek, langile nahiz bisitarientzako segurtasun- eta norbere burua babesteko neurri guztiak betez eginen direla jakinarazi dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun