Koronabirusa

Elizondoko Zahar Etxea desinfektatu dute gaur suhiltzaileek

Igande goizean Elizondoko Zahar Etxea desinfektatzen aritu dira 28 suhiltzaile eta, ageri denez, infektatuta ez dauden adinekoak Lekarozera eraman dituzte. Nafarroako osasun agintariek ez dute oraingoz ofizialki jakitera eman zenbatekoa den positiboen kopurua adinekoen eta langileen artean, eta datu ofizialik ez izan arren, nabarmena da kopuru hori handia dela.  Argazkiak: Nafarroako Suhiltzaileak

Gainerakoan, Maria Txibite Nafarroako Gobernuko lehendakariak igande arratsaldean iragarri duenez, Nafarroako Zahar Etxeetako adineko guztiei koronabirusa atzemateko probak eginen dizkiete, sintomak izan ala ez. Txibitek azaldu duenez, larunbatera arte 1.200 proba egin dituzte, eta aste honetan «egoitzetan dauden guztiei eginen zaizkie, sintomak izan ala ez», «arriskuan dagoen jende taldea delako» eta haien inguruko arreta indartu nahi dutelako.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun