Koronobirusaren harira, Baztango Udaleko Gobernu Taldeko kideek egoeraren inguruko balorazioa egiteko bilera egin zuten larunbatean eta bertan, Baztango herrietako alkateekin koordinatuta, herriz herri etxean gelditu behar duten adineko pertsonendako edota egoera zaurgarrian dauden pertsonendako guttieneko zerbitzua bermatzeko protokoloa adostu zen.
Norbait halako egoeran balego, bere herriko alkate edota kargodunekin harremanetan jar daiteke eta Udalarekin koordinatuta, beharrezko jakiak, botikak eta beharrezko duen hori hornituko diote, etxetik atera behar ez izateko. Telefono bidez ere eskainiko dute arreta, astelehenetik ortziralera, bulego ordutegian Udalera deituz, 948 580006 telefonora, eta ordutegi horretatik kanpo, 641 872821 telefonoaren bidez.
Gainera, herritarrei jakinarazi zaie astelehenetik aitzinera Udalean egin beharreko tramiteak, ahal dela, telefonoz edota posta elektronikoz egitea, bertatik bertara oinarrizko eta beharrezkoak direnab bakarrik artatuko baitira.
