Tafallako entzierroan zauritutako Elbeteko gazteak hobera egin du

Ospitalean dagoen arren, pronostikoa ez da hain larria

Nafarroako Ospitaleak jakitera eman duenez, aitzineko ortziralean, abuztuaren 16an, Tafallako entzierroan zauritu zen gazte elbetearrak «hobera egin du» eta oraingoz egoera «ez hain larrian» dago. Zainketa intentsiboen unitatean alta emanen zaio eta bere eboluzioari jarraipena Neurokirurgia solairuan eginen diote hemendik aitzinera. Gogoraratzekoa da burezur-haustura eta burezurreko traumatismoa dituela.