Unai Iantzi aniztarrak irabazi du Nafarroako gizonezkoen koxkor biltze txapelketa

Unai Iantzi aniztarrak irabazi du Nafarroako koxkor biltze txapelketa.

Joan den abuztuaren 15ean Nafarroako gizonezkoen koxkor biltze txapelketa izan zen Etxalarren. Bortz mutil aritu ziren, eta irabazlea Unai Iantzi aniztarra izan zen, herritarren animoak ere aditzen ziren Etxalarko frontoian.

Iantzik 06:24 behar izan zituen 50 koxkor biltzeko (1,25 metrotara jarriak bi lerrotan). Bigarren Arostegiko Imanol Kañamares izan zen (06:36) eta bere ondotik sailkatu ziren Aitor Blanco (06:41), Gaizka Arbizu (06:57) eta Iñaki Cestau (07:32), hurrenez hurren.

Ondoko hitzordua zazpi herrialdetakoa izanen da, Bilbon, abuztuaren 31n. Akitzeko, Euskal Herriko koxko biltze txapelketa, irailaren 28an, 18:00etan, izanen da Igantzin. Lehen bi sailkatuak bertan parte hartzeko txartela eskuratu dute.

Erlazionatuak

Unai Iantzi aniztarrak bigarren aldiz irabazi du Nafarroako lokotx-biltze txapelketa

Baztan Aniz

Etxalarren abuztuaren 15ean lortu zuen txapela, bere bigarrena, 2016koaren ondotik. Heldu den astean Bilbon lehiatuko da, Zazpi Herrialdeetako txap...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun