Nafarroako Gobernuko segurtasun departamentuak ez die lasterketa lehiakorra egiteko baimenik eman eta hortaz, ibilaldi zikloturista izanen da. Parte-hartzaileak Urdazubitik aterako dira baina 30 segundoko tartearekin. Lehenbizikoa 10:00etan abiatuko da eta hortik aitzinera gainerakoak. Otsondoko portura dauden 8,56 kilometroak bizikletaz egin beharko dituzte. Aipatu, ibilbideak 475 metroko malda duela. Lehiakorra izanen ez bada ere, antolatzaileek iragarri dutenez, Otsondoko erregina eta erregea izendatuko dituzte «aplikazio bati esker», hau da, Nafarroako Joana I.a eta Antso III.a Garzeitz Nagusia izendatuko dituzte. Aitzitik, ezin izanen dute parte-hartzaile guztien sailkapen nagusia atera.
Izen-ematea aitzinetik web orriaren bitartez edo egun berean (garestiago) egiten ahal izanen da. Bertzalde, antolatzaileek Otsondo gainean aparkatzeko aholkatu diete parte-hartzaileei: «horrela, ailegatutakoan musikaz eta euskal pastelaz gozatzeko parada izanen dute».
