Marijo Garmendia kazetariak eta udal hauteskundetarako hautagaiak aurkeztu zuen ekitaldia eta Jon Barberena bertsolariak eta olerkariak kantatu zuen.
Joseba Otondok, EH Bildu alkatetzan izan den azken zortzi urtetako balantzea egin zuen. Ekonomia arloan, udalaren zorra 9 milioi eurotik lau baino guttiagora murriztu dutela azpimarratu zuen eta Baztan, «justizia sozialaren eta trantsizio ekologiaren ikuspegitik eredu» dela aipatu zuen. Akitzeko, EH Bilduren programaren lau zutabeak zein diren erran zuen: etxebizitza eskubidea, adinekoen zaintza sendotzea, ekonomia eta lana bultzatzea bertakoa sustatuz eta euskararen, berdintasunaren eta parte-hartzearen transbertsalitatea.
Bakartxo Ruizek Baztanek Nafarroan duen garrantzia azpimarratu zuen, baita sinbolikoki ere: «XXI. mendeko Amaiur gara, gaur egungo erresistentzia gara», adierazi zuen.
