Igandean 09:00etan errepidea itxiko dute eta 09:30ean hasiko da igoera
Nafarroako Automobilismo Federazioak antolatuta, maiatzaren 5ean, igandean, eginen dute Izpegiko II. rally igoera Erratzun. 09:00etan itxiko dute errepidea eta 09:30ean abiatuko da lehendabiziko autoa, NA-2600 errepideko 6. kilometrotik. Lehenbizi entrenamenduak eginen dituzte eta gero, bi txanda ofizialak. Arratsaldean, 16:00etan, banatuko dituzte sariak Erratzuko plazan.
Proba hasteko, apirilaren 4an, larunbatean 17:00etatik 20:00etara eginen dituzte egiaztapen administratibo eta teknikoak Erratzuko lixutegian eta pilotalekuan. 21:00etan jakinaraziko dituzte proban parte hartu dezaketen ibilgailuak.
Igoera hau Nafarroako Mendi Txapelketarako eta Nafarroako Mendi Trofeorako puntuagarria izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
