M8 Emakumearen Nazioarteko Eguna 2019

‘Karramarroa’ bakarrizketa eskainiko du Eneritz Artetxek martxoaren 10ean Iruritan

Dxusturi taldeko Eneritz Artetxek eskainiko du 'Karramarroa' bakarrizketa Iruritan.

Dxusturi antzerki taldeko aktorearen emanaldia igandean 19:00etan hasiko da Gizarte Bilgunean

Emakumeen Nazioarteko Egunaren ekitaldien baitan, Dxusturi Teatroa taldeko Eneritz Artetxek Karramarroa bakarrizketa taularatuko du martxoaren 10ean, igandean 19:00etan Iruritako Damaso Zabalza Gizarte Bilgunean. Baztango Udaleko Kultura Batzordeak 2019ko Arte eta Kultura programaren baitan antolatutako emanaldirako sarrera doan izanen da.

Karramarroa Eider Rodriguez, Miren Agur Meabe eta Marcela Iacuben testuetan oinarrituta, Dxusturi teatroak sortu duen bakarrizketa bat da.

Testu honetan 40 urte inguruko emakume batek, bere bizipen eta inguruari buruzko gogoetak kontatuko dizkigu mihi zorrotz eta lotsagabe batez.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun