Ipuin-kontaketa Iruritan eta Elizondon
Martxoaren 3an hasiko dira ekitaldiak, Iruritako Damaso Zabalza Gizarte Bilgunean, 18:00etan. Ameli eta Xirrikituen jostunek ipuin-kontalarien eskutik, haurrendako kontaketa musikatua izanen da. Martxoaren 5ean, asteartean, 17:00etan, berriz, Elizondoko liburutegia goxatuko dute ipuin kontalariaren ahotsak eta musikak.
Helduendako antzerkia
Martxoaren 10ean, igandean, helduendako Karramarroa antzerkia eskainiko dute Iruritako Gizarte Bilgunean, 19:00etan. Bertaratzen direnek Eider Rodriguezen, Miren Agur Meaberen eta Marcela Iacuben testuetan oinarrituta Dxusturi teatroak sortutako bakarrizketa ikusi ahal izanen du.
Helduentzako ipuin-saioa
Azkenik, martxoaren 17an, Beatriz Egizabal gidari dela Baubo saioa izanen da Arizkunenean, 19:00etan hasita.