Gaur egun mahai gainean dagoen proposamena «kalterik gutien eragiten duena eta seguruena» dela uste du Ingurumen Departamentuak. Aldi berean, onartzen du etxebizitzatik hurbil igaroko litzatekeela errepidea eta neurri batzuk hartu beharko liratekeela. Almandoztarrek, aldiz, etxebizitzen eta errepidearen artean tarte ttikia dagoela gogoratzeaz gain, kamioien arazoa ez dela moldatzen adierazi dute, zati batean zeharbidetik ibiltzen segitu beharko baitute eta beldur dira harrobia handitzen den neurrian, trafikoa ere handituko dela.
Ingurumen Departamentuak dio almandoztarrek batzarrean proposatutako bideak harizti bati eragiten diola eta Luis Roldan, Almandozko alkateak, bere aldetik, harrobiak proposatutako bidea Almandozek duen eremu zelai bakarretik pasatzen dela dio eta horrek etorkizunean herriaren garapena mugatuko lukeela.
Duela aste batzuk gai honetaz aritzeko batzarra egin zuten Almandozen eta eztabaida handiak piztu ziren. Ortziralean, 19:00etan berriz batzarra izanen dute, oraingoan Batzar Nagusiko kideekin.