Astelehenetik aitzinera, beraz, NA-1210 errepide hau erabili beharko dute gidariek. Irunerako norabidean debekatua egonen da bertze ibilgailuak aitzineratzea eta Iruñerako norabidean, zizkulazio noranzko berean karril bat baino gehiago dagoenean bakarrik izanen dute aitzineratzeko aukera ibilgailu arinek. Txirrindulariek ere ezin izanen dute errepidea erabili.
Lanei dagokienez, zola berritzeaz gain, errepide bazterrak garbitu dira, babes-hesiak berritu eta seinalizazio bertikala eta horizontala paratu da. Mendatearen hasieran ibilgailuak aparkatzeko eremua egokitu da.
