Sailkapenei dagokienez, ibilbide osoa bakarka egin zuten hamalau lagunen artean, Hernaniko Ibai Alba erraz nagusitu zen, bi ordu, 17 minutu eta 34 segundoko denborarekin. Iruñeko Thibaut Bertrand bigarren izan zen (2:31:45) eta Doneztebeko Igor Agestak osatu zuen podiuma (2:35:54).
Ibilbidea binaka eta txandaka egin zutenen artean, berriz, gizonezkoetan, Juan Mari Indakoetxea lesakarra eta Aitor Begino igantziarra izan ziren bizkorrenak (2:10:28). Bigarren postua Mikel Zuriarrain eta Ugaitz Olaizola oiartzuarrentzat izan zen (2:13:32) eta hirugarrena Agoitz Altzugarai eta Ibai Bereau lesakarrentzat (2:15:16).
Emakumezkoetan, berriz, Elizondoko Itziar Etxeberria eta Lekarozko Josune Berho izan ziren garaile (3:09:00); Zubietako Mikele Etxekolonea eta Berroetako Sarai Maritorena bigarren (3:26:44) eta hirugarren postuan batera helmugaratu ziren Maite Erize eta Mari Jose Aleman iruritarrak eta Arizkungo Totu Iturzaeta eta Lekarozko Miren Meoki (4:16:33)
Bikote mixtoei dagokienez, Gipuzkoako hiru bikotek osatu zuten podiuma: Usurbilgo Irati Larrañaga eta Idiazabalgo Josu Urrestarazu izan ziren bizkorrenak (2:31:14); lau segundora bigarren izan ziren Garazi Artola eta Aritz Pagola usurbildarrak (2:31:18) eta hirugarren sartu ziren Hondarribiko Koldo Garcia eta Donostiako Begoña Julian (2:37:11).