Iruritako eskolako baratze hezitzailean txikizioak egin dituzte herriko bestetan

Iruritako eskolako baratze hezitzailean txikizioak egin dituzte herriko bestetan
Itxura ederra hartua zuen Iruritako eskolako baratzeak hondatu aitzinetik.

Baztango Udalak utzitako lur eremuan egin zuten baratzea Iruritako eskolakoek eta maiatzaren 4an inauguratu. Maiatzaren 12ko goizaldean, ordea, herriko bestetan, landareak errotik atereak, barazkiak zapalduak eta makiilak hautsita agertu ziren. Horrez gain, eskolako patioko banku bat ere hautsita agertu zen.

Gaiaren garrantzia ikusita eta baratzearen zuzeneko lanketa hezkuntza sisteman txertatzearen beharraz oharturik abiatu zuten ekimena Iruritako eskolako ikasle eta irakasleek. Apirilaren 20an guraso baten laguntzarkein lurra irauli eta lau txorimalo paratu zituzten. Biharamuneko arratsean, ordea, lau txorimaloak hautsita agertu ziren. Moldatu eta berriz ere paratu zituzten. Hurrengo asteetan ereiten eta landatzen aritu ondotik, maiatzaren 4an egin zuten inaugurazio ofiziala.

Maiatzaren 12an, ordea, herriko bestetako larunbatean, berriz ere baratzea hondatua agertu zen. Ordukoak dira argazkietako batzuk, baina eskolatik adierazi dutenez, «egin zuten txikizioa ez dute sobera ongi erakusten. Hurrengo egunean eskolako zenbait ikasle baratzea moldatzera hurbildu ziren eta ez dugu argazkirik».

Erlazionatuak

Iruritako baratzea

Baztan Irurita