Kortariko 'Infernuko gasna'-k, gazta onduen kategorian, Espainia mailako lehendabiziko saria irabazi du. Maiatzaren 7tik 10era bitarte Madrilgo Gourmet Ferian egin den Espainia mailako gazten IX. lehiaketan bildu dute saria. Berrogeita hamar adituk baino gehiagok dastatu dituzte sailkatuak ziren ekoizleen gaztak eta lekaroztarrena izan da onduen kategorian urrezko domina eskuratu duena.
Gourmet Feriako gazta lehiaketan sarituak
Erdi onduen kategorian Agerre-buru (Aia, Gipuzkoa); gazta onduen kategorian Infernuko gasna (Lekaroz, Nafarroa); ardi gazta zaharren kategorian Aizpea (Olaberria, Gipuzkoa); eta gazta ketuen kategorian Aizpea izan dira sarituak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!