Otsailak 8, ortzeguna
Oilar Dantza edo Orakunde eguna ospatuko dute Elizondoko ikastetxeetako haurrek. Urtero bezala, karrikadantza, bazkari eta jostetak izanen dira goizean. Arratsaldean, oilarren ordua izanen da.
Otsailak 9, ortziralea
09:00 Gaztetxetik abiatu eta puskak bilduz hasiko dira.
16:00etan haurren desfilea izanen dute, ikastolako parketik hasita (eguraldi txarra eginez gero Baztan pilotalekuan). Ondotik, txokolatada izanen dute Foru Plazan (euria ari badu Iriarte pilotalekuan). 20:00etan danborrada izanen dute, Herriko Etxetik. Izen-ematea: Casino, Intza, Hiru edo Saioa ostatuetan (20E ordainduko dira danborrak eta pintxoak, pintxoak bakarrik 5E. Danborra ongi bueltatuz gero, 10E itzuliko dituzte).
Otsailak 10, larunbata
11:30ean ikastolako parketik abiatuta mozorro eta orgen desfilea eginen da herrian barna.
