Garaipenarekin ekin dio Baztan Futbol taldeak maila eta denboraldi berriari

Ttipi-Ttapa/Xorroxin 2017ko abu. 23a, 08:39

Markagailuari buelta eman eta 2-1 irabazi zuten baztandarrek. (Argazkia: Telletxea)

Baztan Futbol talde nagusiak abuztuaren 19an jokatu zuen ligako lehen partida CD Subiza Cendea de Galar taldearen aurka. Hirugarren mailako debuta zuen talde nagusiak eta Elizondoko Giltxaurdi futbol zelaian, zaleen babesean, 2-1 irabazi zuen.

Partida estua izan zen, Subiza taldeak estrategia landua zuen eta gainera, beraiek lortu zuten lehendabiziko gola. Baina Baztandarrek ez zuten etsi eta markagailuari buelta ematea lortu zuten. Igotz Garde entrentatzailea pozik solastu zen partidaren bukaeran: «bajak tarteko talde gaztea zelairatu dugu, 20 urteren bueltako jokalariak gehienak. Hiru jubenilek ere debutatu dute eta horietatik bi titular izan dira. Jokatzeko gogoa, ilusioa... alde izan ditugu eta hori nabaritu da aldageletan eta baita zelaian ere».

Abuztuaren 26an, larunbata, 17:15ean izanen dute hurrengo partida Zangozako futbol zelaian Cantolagua taldearen aurka.

Kirola Baztan Elizondo

Erlazionatuak

Baztan futbol taldea vs. Subiza

Ttipi-Ttapa 2017 abu 23 Baztan Elizondo

Baztanek 2-1 irabazi dio Subizari 3. mailara itzuleran. Asier Lizartzarekin elkartu gara

Xorroxin irratia 2017 abu 21 Baztan

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun