Geroa Bairen kasuan, prentsan agertu duten bezala, Bake Epaitegia plazako eraikinean paratzeko eskaera egin dute. «Horretarako, –udal gobernu taldearen erranetan– bistan denez, lehenik, plazako eraikina akitu beharko litzateke eta hasierako proiektuaren arabera 200.000 euro inguru beharko lirateke». Nafarroako Gobernuak gisako proiektuetarako ez du dirulaguntzik aurrikusten. Hortaz, Geroa Bairen proposamena ez dela bideragarria diote EHBilduk eta Baztango Ezkerrak: «Udaletxeak halako dirurik ez du eta Nafarroako Gobernuaren halako laguntzarik ez dago».
Udaleko gobernu taldeak, konponbide merke eta sinplea aurkeztu duela dio: «10.000 euroko proiektua, zeinaren erdia Nafarroako Gobernuak diruz laguntzen baitzuen».