Azaroaren 22an, arratsaldeko 7etan Amaia Nausiak idatzitako Birjinak ala putak liburuaren aurkezpena Mankomunitatean eginen da.
Azaroaren 25ean, ortziral eguerdiko 12etan elkarretaratzea eginen dute Elizondoko plazan, “emakumeen aurkako inolako indarkeriarik ez dugula onartuko” adierazteko.
Astelehen honetan egin den bidetik, azaroaren 28an eta 29an, heldu den astelehen eta asteartean Hezkidetza tailerrak izanen dituzte Elizondoko Lanbide Eskolan.
Akitzeko, abenduaren 4an, igande arratsaldeko 7etan Ladydi Garcia antzezlana eskainiko dute Iruritako Damaso Zabalza Gizarte Bilgunean.
