Lekarozko Aroztegiako proiektuaz

Sustrai Erakuntzak Aroztegiko UGPS-aren kontra jarritako helegitean parte hartuko du Baztango Udalak

Herritar batzuk UGPSa gelditzea eta herri galdeketa loteslea egitea aldarrikatu zuten udal batzarrean.

Geroa Baik aurkeztutako mozioa, UPN eta Baztan Auzolanean taldeen babesarekin onartu zen, herritar batzuk herri galdeketa loteslea eskatzen zuten bitartean

Otsailaren 25ean egindako Baztango udalaren osoko bilkuran Geroa Baik urjentziaz sartutako mozioa eztabaidatu eta onartu zen, Geroa Bai, UPN eta Baztan Auzolanean taldeen aldeko botuarekin eta EH Bildu eta Baztango Ezkerraren kontrakoekin. Horren arabera, Nafarroako Gobernuak 2015eko maiatzaren 20an onartutako Aroztegiko UGPS-aren kontra Sustrai Erakuntza Fundazioak jarritako helegitean parte hartuko du Baztango Udalak.

 

Horretaz gain, auzi honetan, udalak abokatua eta prokuradorea kontratatzea eskatzen zuen mozioak, Baztango udalaren defentsa burutzeko. Onartutako mozioaren arabera, prozesu judizialaren nondik norakoen berri izateko jarraipen batzorde bat ere sortuko da.

Osoko bilkura jendetsua izan zen, zenbait herritarrek Aroztegiako UGPS-a gelditzeko eta herri galdeketa loteslea egiteko aldarrikapena plazaratu baitzuten, Geroa Bairen mozioarn harira.

Eztabaida bizia izan zen alderdi desberdinen artean, UGPS-aren aldeko zein kontrako argudioak plazaratu zituzten Ehbildu, Baztango Ezkerra eta Geroa Bairen zinegotziek. UPN eta Baztan Auzolanean alderdietako zinegotziek ez zuten hitzik hartu. Azkenean, mozioa onartu zuten, Geroa Bai, UPN eta Baztan Auzolanean alderdietako 7 zinegotzien aldeko bozkarekin eta Ehbildu eta Baztango Ezkerra alderdietako 6 zinegotzien kontrako bozkarekin.

Erlazionatuak

Joseba Otondo-Atzoko osoko bilkuraren harira

Baztan

Atzo egindako Baztango udalaren osoko bilkuran Geroa Baik urjentziaz sartutako mozioa eztabaidatu eta onartu zen, Geroa Bai, UPN eta Baztan Auzolan...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun