Mikel Sobrino alkateak eta Xabier Torres kargodunak gidatutako batzarrera ez zen herritar aunitz joan, 30 inguru.
Ohikoa denez, diru-sarrera nagusia herritarrek ordaintzen duten kuotatik dator, 36.495,90 euro; udazkeneko ferietako postuengatik 25.202 euro; Elizondoko bestetako sarrerak (zikiro-jatea nagusiki) 24.710,86 euro eta Balleko Etxeak 15 herriei ematen dien aportaziotik 10.931,40 euro jaso ditu Elizondok. Haurren Orakundetik 4.142 euro eta errenta ezberdinengatik 3.209,38 euroko sarrerak izan ditu herriak.
Gastuei dagokienez, handienak Santiago bestek (48.811,75 euro) eta udazkeneko feriek (8.131,75 euro) sortu zituzten. Auzolanean ere 10.378 euro joan ziren, mantenimendu eta herriko zenbait lanetan (landaketak, parrokiako erlojua eta Herriko Etxea) 8.242,64 euro eta uholdeek sortutako kalteak moldatzen 6.165,94 euro. Kanposantuari dagokienez, 11.128,67 euroko sarrerak izan ziren eta gastuak berdintsu: 11.297,85 euro.