Balleko Udalak herrietako eskolen sarea bisitatzeko gonbitea luzatu die Luis Campoy Nafarroako Gobernuko Hezkuntza Departamentuko kontseilariari eta sail horretako arduradunei. Honela, eskolen errealitatea eta dituzten premiak erakutsi nahi dizkiete. Udalaren ustez, eskola hauek ekarpen haundia egiten diete herriei, jendea bertan gelditzera laguntzen baitute. Horregatik, gustora egiten du Udalak eskolen mantenimendua. Azken aldian, ordea, arrazoi ezberdinengatik arazo larriak agertu dira Erratzu, Ziga, Irurita, Oronoz, Arizkun eta Almandozko eskoletan. Arazo hauek moldatzeko, Hezkuntza Departamentuaren laguntza behar duela adirazi du Udalak.